 |
Իրադարձային շաբաթը մեկ շնչով՝Վիրահայոց թեմի առաջնորդի օրհնությամբ թբիլիսահայ հավատացյալների երկու խումբ ուխտագնացության է մեկնել Լոռու մարզի սրբավայրեր: Վատիկանի Սուրբ Պետրոսի տաճարում փետրվարի 27-ին հայկական ծեսով երեկոյան ժամերգություն է կատարվել Սուրբ Գրիգոր Նարեկացու տոնի առթիվ: Մարտի 6-ից 8-ը Նիդեռլանդներում Հայ Առաքելական Եկեղեցու երիտասարդները մասնակցել են եռօրյա հավաքի |
 |
Մայր Աթոռի դիվանապետ Արշակ արքեպիսկոպոս Խաչատրյանը ազատ է արձակվելՎերաքննիչ դատարանի որոշմամբ նախնական կալանքը փոխարինվել է վարչական հսկողությամբ։ Սրբազանին արգելված է Վաղարշապատի տարածքից դուրս գալ, արգելված է շփումներ ունենալ գործով վկաների հետ: Նա մեկուսարանում էր դեկտեմբերի 4-ից։ Նրան մեղադրանք են առաջադրել նախնական համաձայնությամբ թմրամիջոց ապօրինի իրացնելու մեղադրանքով, թեեւ մինչեւ օրս որևէ ապացույցի չի ներկայացվել վերագրվող հանցանքի վերաբերյալ։ |
 |
Ամենայն Հայոց Կաթողիկոսը Մայր Աթոռում ընդունել է Սուրբ Աթոռի առաքելական նվիրակինՀայոց հայրապետի և Պապական նվիրակի հետ հանդիպմանը անդրադարձել են Հայաստանյայց Առաքելական և Հռոմի Կաթոլիկ Եկեղեցիների միջև ձևավորված եղբայրական հարաբերություններին և միջեկեղեցական գործակցության հետագա սերտացմանը: Նրանք քննարկել են տարածաշրջանում ստեղծված բարդ իրավիճակն ու Հայաստանում Եկեղեցի-պետություն հարաբերությունները։ |
 |
Ամենայն Հայոց Կաթողիկոսը Իրանի պատերազմից հետո մշտական կապի մեջ է հայկական համայնքների հետԱյն բոլոր երկրներում, որոնք անմիջականորեն կամ անուղղակիորեն ներքաշվել են ռազմական գործողությունների մեջ, կան հայկական համայնքներ: Գարեգին Երկրորդ ամենայն հայոց Հայրապետը մտահոգ և անհանգիստ է ստեղծված իրավիճակով և մշտական կապի մեջ է Մեծի Տանն Կիլիկիո Կաթողիկոսության, Երուսաղեմի Պատրիարքության և տարածաշրջանի թեմակալ առաջնորդների հետ: |
 |
Արշակ Սրբազանին վերագրվող տեսանյութերի միջազգային փորձաքննությունը պատրաստ էՍրբազանի փաստաբան Արսեն Բաբայանը գրել է, որ նախորդ տարվա նոյեմբերին, տեսագրությունների իսկությունը պարզելու համար դրանք ուղարկել է միջազգային փորձաքննության: Երեք տարբեր պետություններից ստացված փորձագիտական եզրակացությունները հաստատում են սրբազանի այն պնդումը, որ նա որևէ առնչություն չունի տեսագրությունների բովանդակության հետ։ |
 |
Հայաստանը վերջին երկիրն էր, որտեղ կարելի էր պատկերացնել բանտարկված արքեպիսկոպոս․ Ջոել ՎելդքամփԿրոնական հարցերով մասնագիտացված լրատվամիջոցում հրապարակվել է Քրիստոնեական համերաշխության միջազգային կազմակերպության հանրային իրազեկման հարցերով տնօրեն Ջոել Վելդքամփի «Այցելելով հայ արքեպիսկոպոսին բանտում» հոդվածը։ Միջազգային դիտորդը ներկայացնում է իր այցը Հայաստան՝ հալածվող քրիստոնյաների իրավունքների պաշտպանությամբ զբաղվող խմբի կազմում, և բանտում Բագրատ արքեպիսկոպոսի հետ հանդիպումը։ Նա հոդվածում նկատել է, որ Փաշինյանը դիմել է հին խորհրդային մեթոդներին։ Նա հավաքել է ապստամբ եպիսկոպոսների մի խումբ, որոնք կոչ են անում «բարեփոխել» եկեղեցին, ինչպես բոլշևիկները 1920-ականներին օգտագործեցին «ազատ եկեղեցու» հոգևորականների մի խմբակի՝ պառակտում հրահրելու համար։ |
 |
Սփյուռքի առաջնորդները կոչ են արել բոլոր հայերին պաշտպանել Հայ առաքելական եկեղեցինՀայկական Սփյուռքի առաջնորդները բաց նամակով Հայաստանի կառավարությանը զգուշացնում են, որ եկեղեցին հալածելու պատճառով իշխանությունը վտանգում է կտրել կապը Սփյուռքի և համաշխարհային հանրության հետ: Ըստ նրանց՝ եկեղեցու առաջնորդների վրա հետևողական հարձակումները և նրա առաջնորդի հարկադրական հեռացման սպառնալիքները ուղղակի սպառնալիք են աշխարհի բոլոր հայերի համար։ Նամակը ստորագրել են Նուբար Աֆեյանը, Էնթոնի Բարսամյանը, Լորդ Արա Դարզին, Էրիկ Էսրայելյանը, Վաչե Մանուկյանը, Ջոզեֆ Ուղուրլյանը և Պերճ Սեդրակյանը։ Նրանք կոչ են անում սփյուռքի բոլոր հայերին բարձրացնել իրենց հավաքական ձայները և պահանջել իրենց իրավունքի իրացումը՝ դավանելու իրենց կրոնը քաղաքական միջամտությունից ազատ ինքնաբարեփոխվող եկեղեցում։ |
 |
Չբացակայելու արգելքի տակ գտնվող հոգեւորականները Եպիսկոպոսաց ժողովին կմասնակցեն հեռավարԱմենայն Հայոց Կաթողիկոս Գարեգին Երկրորդի հրավերով փետրվարի 16-19-ին Եպիսկոպոսաց ժողովը տեղի կունենա Ավստրիայի Սանկտ Փյոլթըն քաղաքում: Իշխանությունը Գերագույն հոգևոր խորհրդի անդամ վեց եպիսկոպոսի և արքեպիսկոպոսի՝ երկրից չբացակայելու արգելք է դրել: Հեռավար մասնակցությունը ժինդիր չի կարող առաջացնել իրավաչափության և ընդունված որոշումների վիճարկման հարցում։ |
 |
Լոս անջելեսի հայ համայնքը բողոքի ակցիա է իրականացրել ի պաշտպանություն Մայր ԱթոռիԼոս անջելեսի հայ համայնքի ներկայացուցիչները բողոքի ակցիա են իրականացրել Բրբենքի առաջնորդանիստ սրբոց Ղևոնդյանց եկեղեցու մոտ ի պաշտպանություն Մայր Աթոռ Սուրբ Էջմիածնի և ամենայն հայոց հայրապետի, ինչպես նաև ընդդեմ ԱՄՆ հայոց արևմտյան թեմի առաջնորդ Հովնան արքեպիսկոպոս Տերտերյանի: Նրանք պատասխան են պահանջել թեմի առաջնորդից և թեմական խորհրդից՝ եկեղեցին հալածողների դաշնակցելու համար: |
 |
Վիրահայերը հանրահավաք են կազմակերպել ի զորակցություն հայ առաքելական եկեղեցուՎրաստանի հայ համայնքը հայտարարել է, որ երբ հոգևորականները բարձրաձայնում են ճշմարտությունը՝ նրանց պատասխանում են նվաստացմամբ և ձերբակալությամբ։ Երբ Ամենայն Հայոց Կաթողիկոսը միջազգային հարթակներում պաշտպանում է Արցախի մշակութային ժառանգությունը, նրան մեղադրում են ռևանշիզմի մեջ։ Վիրահայերը համարում են, որ սա պատահականություն չէ, այլ մտածված քաղաքականություն՝ հայ ժողովրդի հավաքական դիմադրությունը թուլացնելու և ազգային պետության բովանդակությունը արժեզրկելու համար: |
 |
Կարգալույծ արված Արման Սարոյանը դատի է տվել Մայր Աթոռին և դատարան չի ներկայացելՄասյացոտնի թեմի նախկին առաջնորդ կարգալույծ հռչակված Արման Սարոյանը հայց է ներկայացրել դատարան՝ ընդդեմ Հայաստանյայց Առաքելական Սուրբ Եկեղեցու, պահանջելով անվավեր ճանաչել իրեն Մասյացոտնի թեմի առաջնորդի պաշտոնից ազատելու վերաբերյալ Գարեգին Երկրորդ Ամենայն հայոց Կաթողիկոսի հայրապետական տնօրինությունը և վերականգնել իրեն պաշտոնում։ Մայր Աթոռի փաստաբանն ընդգծել է, որ աշխարհիկ դատարանը և դատավորը չեն կարող միջամտել եկեղեցու ներքին գործերին, դա ամրագրված է Հայաստանի պետական օրենքով, ինչպես նաև՝ միջազգային իրավունքի նորմերով: Հետևաբար նման վեճը ենթակա չէ դատարանում քննության քաղաքացիական դատավարությամբ: |
 |
Կիլիկիո Կաթողիկոս Արամ Առաջինը Բաքվում պահվող գերիների հարցով դիմել է ԱՄՆ փոխնախագահինԱրամ Առաջինը Ջեյմս Վենսին հիշեցրել է, որ միջազգային օրենքը հստակորեն ընդգծում է ռազմագերիներին ազատ արձակելու և հոգևոր մշակութային կոթողների պաշտպանության կարևորությունը: Կիլիկիո կաթողիկոսարանից հայտնել են, որ նամակը արդեն հանձնվել է ԱՄՆ փոխնախագահին: Ջեյմս Վենսը հաջորդ շաբաթ այցելելու է Հայաստան և Ադրբեջան: |