 |
Աննախադեպ հալածանք Հայ եկեղեցու դեմ․ ռումինական և բուլղարական մամուլի արձագանքըՌումինական և բուլղարական առաջատար լրատվամիջոցները հատուկ ուշադրությամբ արձագանքում են Հայաստանում Հայ Առաքելական Եկեղեցու հոգևոր առաջնորդի և բարձրաստիճան հոգևորականների դեմ հարուցված քրեական վարույթներին։ Արտասահմանյան մամուլը տեղի ունեցողը որակում է որպես աննախադեպ հալածանք և քաղաքական հաշվեհարդար՝ նշելով, որ եկեղեցու ներքին գործերին պետության միջամտությունը վկայում է Հայաստանում ժողովրդավարական սկզբունքներից նահանջի մասին։ |
 |
Հայոց Հայրապետի ծննդյան 75-ամյակը և կեսդարյա հոգևոր ճանապարհըԱյսօր, օգոստոսի 21-ին լրանում է Գարեգին Երկրորդ Ամենայն Հայոց Կաթողիկոսի ծննդյան 75-ամյակը, որի կենսագրության մեծ մասը հոգևոր ծառայության նվիրյալ ճանապարհ է։ Լուսավորչի գահի 132-րդ գահակալը, աշխարհասփյուռ հայ եկեղեցու հովվապետը, շարունակում է իր կեսդարյա ճանապարհը որպես հեռատես հովիվ, հանձնառու եկեղեցապետ և հոգևոր հայր՝ հոգալով իր ժողովրդի ամեն ցավն ու կիսելով ամեն ուրախությունը։ |
 |
Ամենայն Հայոց Կաթողիկոսն ընդունեց Քրիստոնյա գործարարների միության անդամներինՕգոստոսի 19-ին Գարեգին Երկրորդ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Քրիստոնյա գործարարների միության» անդամներին՝ Տեր Արարատ քահանա Պողոսյանի և միության համահիմնադիր Շավարշ Կարապետյանի գլխավորությամբ։ Ողջունելով միության անդամների այցը՝ Վեհափառ Հայրապետն իր օրհնությունը փոխանցեց ներկաներին և կարևորեց նման նախաձեռնությունների դերը հայրենիքի զարգացման ու հանրային կյանքի շենացման գործում։ |
 |
Մեռելոց. Ննջեցյալների հիշատակի պատարագ Մայր ԱթոռումՍուրբ Տիրամոր Վերափոխման տոնի հաջորդ օրը Մայր Աթոռ Սուրբ Էջմիածնում Թորգոմ վարդապետ Տոնիկյանի կողմից մատուցվել է ննջեցյալների հիշատակի Սուրբ Պատարագ և կատարվել է հոգեհանգստյան կարգ։ Եկեղեցու վարդապետության համաձայն՝ մահը մարդու գոյության ավարտը չէ, այլ անցում դեպի հավիտենական կյանք, և Մեռելոցին՝ Եկեղեցին աղոթքով ու հիշողությամբ միավորում է ապրողներին ու ննջեցյալներին։ |
 |
Ավստրալիայի և Նոր Զելանդիայի հայոց թեմի հայտարարությունը՝ ի պաշտպանություն Ամենայն Հայոց ԿաթողիկոսիԹեմի առաջնորդը, հոգևոր դասը, թեմական խորհուրդն ու հարակից մարմինները հանդես են եկել հայտարարությամբ՝ իրենց ամբողջական զորակցությունը հայտնելով Գարեգին Բ Ամենայն Հայոց Կաթողիկոսին, վեց եպիսկոպոսներին և Մայր Աթոռ Սուրբ Էջմիածնին: |
 |
Ներսես արքեպիսկոպոս Մելիք-Թանգյան20-րդ դարասկզբի քաոսի, պատերազմների ու կայսրությունների փլուզման արյունոտ դարաշրջանում ապրեց ու գործեց մի հոգևորական, որին ցարական ժանդարմերիան անվանում էր «վտանգավոր հեղափոխական», խորհրդային ՉԵԿԱ-ն նրա դեմ մահափորձեր էր կազմակերպում, իսկ Իրանի ու Սյունիքի հայությունը համարում էր իր փրկիչն ու հովիվը: Ներսես արքեպիսկոպոս Մելիք-Թանգյան, Ատրպատականի հայոց թեմի առաջնորդ: Մարդ, ով խաչը ձեռքին կանգնած էր պետականության առաջնագծում: |
 |
Տեղի է ունեցել Մայր Աթոռի կրթական հաստատությունների տարեվերջյան մանկավարժական ժողովըԳևորգյան հոգևոր ճեմարանում կայացել է Մայր Աթոռի կրթական հաստատությունների՝ Գևորգյան ճեմարանի և Վազգենյան հոգևոր դպրանոցի տարեվերջյան ամփոփիչ մանկավարժական ժողովը, որը նախագահել է Ամենայն Հայոց Կաթողիկոսը: Ժողովի ավարտին Նորին Սրբությունը օրհնության և գնահատանքի խոսքով դիմել է հոգևոր հովիվներ կրթող մանկավարժներին, հորդորել համբերատար ու սկզբունքային լինել կարևոր հարցերում, կրթության մշակներին մաղթել քրտնաջան ու արդյունաբեր աշխատանք և առատ հունձք: |
 |
Բելգիայի համայնքում կազմակերպված ճամբարում ծանոթացել են հայկական մշակութային ժառանգությանըՇուրջ 120 երեխաներ և պատանիներ, 43 հոգևորականներ, ուսուցիչներ և կամավորներ երեք օր անցկացրել են աղոթքի, գիտելիք ձեռք բերելու, խաղերի և հոգևոր ուրախության մթնոլորտում։ Այդ օրերի ընթացքում պատանիները բացառիկ հնարավորություն են ունեցել խորացնել քրիստոնեական հավատքի մասին գիտելիքը, երգի, պարի, կրթական ու ժամանցային բազմազան ծրագրերի միջոցով ճանաչել հայկական հոգևոր ու մշակութային ժառանգությունը։ |
 |
Ամենայն Հայոց Կաթողիկոսն ընտրել է Էջմիածնի 14/11 ընտրական տեղամասումՆորին Սրբությունն ընտրատեղամաս է ժամանել Մայր Աթոռի Սուրբ Էջմիածնի միաբանների ուղեկցությամբ։ Ընտրությունից հետո Ամենայն Հայոց Հայրապետը պատասխանել է ընտրատեղամասի մոտ հավաքված լրագրողների հարցերին: |
 |
Միքայել ՀԵզեման«Հայոց ցեղասպանությունը» գրքի հայերեն հրատարակության առիթով Հայաստանում էր գերմանացի գրող, պատմաբան, ուսումնասիրող Միքայել Հեզեմանը: Հարցազրույցում նա պատմում է Հայոց ցեղասպանության մասին նորահայտ արխիվների, իր ուսումնասիրությունների մասին, այն զուգահեռների, որոնք գտել է՝ համեմատելով Երիտթուրքական և նացիստական ոճիրները։ Միքայել Հեզեմանն անդրադառնում է նաև Հայաստանում ներկայումս ընթացող հակաեկեղեցական արշավին, քննում և դատապարտում նման իրավիճակը՝ չեզոք ուսումնասիրողի դիտանկյունից: |
 |
Հունիսի 7-ին Հայ Առաքելական Եկեղեցին կտոնախմբի Սուրբ Էջմիածնի տոնըՏոնի առիթով Մայր Տաճարում պատարագ կմատուցվի, որի ժամանակ կհնչի աղոթք Հայոց Եկեղեցու, ժողովրդի և հայրենիքի համար: Կկատարվի նաև մաղթանք՝ հանուն Մայր Աթոռ Սուրբ Էջմիածնի անսասանության և հավետ պայծառության։ Սուրբ Էջմիածնի տոնը Հայ Առաքելական Եկեղեցու կարևորագույն տոներից է, որը նվիրված է Մայր Տաճարի հիմնադրման տեսիլքին։ Ըստ ավանդության՝ 301 թվականին, քրիստոնեությունը պետական կրոն հռչակելուց հետո, Սուրբ Գրիգոր Լուսավորիչը տեսիլք է ունեցել՝ տեսել է երկնքից իջնող Քրիստոսին, որը ոսկե մուրճով հարվածել և ցույց է տվել ապագա տաճարի տեղը։ |
 |
Համիլթոնի Սուրբ Մարիամ Աստվածածին եկեղեցում կայացել է Կանադայի թեմի 42-րդ տարեկան ժողովըԺողովականները խորը մտահոգություն են արտահայտել Հայ Եկեղեցու և ազգի կյանքին ազդող վերջին զարգացումների վերաբերյալ, անընդունելի համարել Հայաստանում հոգևորականների շարունակական հալածանքն ու թիրախավորումը, որոնք նվազեցնում, խաթարում և արժեզրկում են դարավոր հոգևոր, բարոյական, մշակութային և ազգային արժեքները: Ժողովը դատապարտել է այսպես կոչված «Բարեփոխումների Խորհուրդը»՝ այն համարելով Հայ Առաքելական Եկեղեցու կանոնական կարգին, սրբազան ավանդույթներին և եկեղեցական կառավարմանը հակասող անօրինական նախաձեռնություն: |