 |
Ռուսաստանի և Նոր Նախիջևանի թեմի առաջնորդն ընդարձակ հարցազրույց է տվել «Россия24» հեռուստաալիքինՏեր Եզրաս արքեպիսկոպոս Ներսիսյանը խոսել է Հայաստանում եկեղեցու հանդեպ սկսած հալածանքի մասին։ Նա նկատել է, որ իշխանությունը խոչընդոտում է եկեղեցու բնականոն կյանքին, իշխանության ցուցումով դատավորները թեմակալ առաջնորդ են նշանակում և ստիպում վերականգնել կարգալույծ հոգևորականի կարգը: |
 |
Աշտարակի հայորդյաց տանը կայացել է «Վրձնյալ շարականներ» պատկերագրքույկի շնորհանդեսըՓոքրիկ հեղինակները, կրթօջախի ուսուցիչների առաջնորդությամբ, ուսումնասիրել են հայ միջնադարյան շարականագիրների ստեղծագործությունները, սովորել շարականները, ապա՝ վերածել պատկերի: Գարեգին Երկրորդ Ամենայն Հայոց Կաթողիկոսի օրհնությամբ, երեխաների աշխատանքները հրատարակվել են առանձին գրքույկով: |
 |
Լույս է տեսել Մայր տաճարի նորոգությունների մասին արխիվային փաստաթղթերի ժողովածուՀատորը նվիրված է Մայր տաճարի վերաօծմանը և Գարեգին Երկրորդ Ամենայն Հայոց Կաթողիկոսի գահակալության 25-րդ տարեդարձին: Ժողովածուն կազմել են Ասողիկ աբեղա Կարապետյանը և պատմաբան Գոհար Ավագյանը: Հատորում ներառվել են 7-ից 21-րդ դարերի փաստաթղթեր Մաշտոցյան Մատենադարանից, Հայաստանի ազգային արխիվից և Մայր Աթոռի արխիվից: |
 |
Երևանի Մայր տաճարի կառուցման հուշաքարը դրվել է 1990 թվականին, մարտի 31-ին36 տարի առաջ մարտի 31-ին Երևանի կենտրոնում հուշաքար տեղադրվեց, որն օրհնեց անձամբ Ամենայն Հայոց Կաթողիկոս, երջանկահիշատակ Վազգեն Առաջինը՝ հայտարարելով, որ նորանկախ, անաստվածության լուծը թոթափած երկրում տասնամյակների ընդմիջումից հետո նոր սրբավայր կկառուցվի: Հիմնարկեքի արարողությունը կատարել է Գարեգին Ա Հայրապետը, իսկ բացումն ու օծումը Գարեգին Երկրորդ Ամենայն Հայոց Կաթողիկոսը: Հենց նրա հոգածությամբ տաճարի կառուցման ընթացքում հաղթահարվեցին բազմաթիվ խնդիրներ և մայրաքաղաքի մայր եկեղեցին հառնեց Երևանի կենտրոնում: |
 |
Վարչական և իրավական խոչընդոտների հետևանքով Էջմիածնում չի բացվում Թումո կենտրոնՇուրջ 2000 երեխայի համար նախատեսված ժամանակակից կրթական համալիրի նախագիծը վաղուց պատրաստ է։ Պատրաստվել է ճարտարապետական նախագիծը, թե եռաչափ վիզուալիզացիա և անիմացիա: Քաղաքի համար կարևոր այս նախաձեռնությունը կանգ է առել ոչ թե գաղափարի կամ միջոցների բացակայության պատճառով, այլ վարչական և իրավական խոչընդոտների հետևանքով։ Վերջերս էլ ընդունված օրենսդրական փոփոխություններով՝ եկեղեցուն այլևս հողատարածք չեն տրամադրում: |
 |
Նեապոլում Գրիգոր Լուսավորչին նվիրված Մուտն ի Վիրապ տոնի առթիվ Պատարագ է մատուցվելՆեապոլի Սուրբ Գրիգոր եկեղեցում սրբի մասունքներին հաղորդակցվելու և Պատարագին մասնակցելու համար ուխտավորներ են ժամանել 11 երկրից՝ Հունաստանից, Իսպանիայից, Բելգիայից, Նիդեռլանդներից, Գերմանիայից, Ֆրանսիայից, Ավստրիայից, Ուկրաինայից, Բուլղարիայից և Իտալիայի տարբեր քաղաքներից: Նրանցից շատերը ժամանել են կազմակերպված խմբերով և իրենց հոգևոր հովիվների ուղեկցությամբ։ Սուրբ Պատարագը մատուցել է Արևմտյան Եվրոպայում Հայրապետական պատվիրակ և Վատիկանում Ամենայն Հայոց Կաթողիկոսության ներկայացուցիչ Խաժակ արքեպիսկոպոս Պարսամյանը՝ Իտալիայի, Իսպանիայի և Լեհաստանի հայ համայնքների հոգևոր հովիվների մասնակցությամբ։ |
 |
Վեհափառ Հայրապետը ցավակցագիր է հղել վրաստանի կաթողիկոս-պատրիարքի վախճանման առիթովԱմենայն Հայոց Կաթողիկոսի ցավակցագրում ասվում է, որ Իլիա Բ Կաթողիկոս-Պատրիարքի բազմամյա հովվապետական ծառայության ընթացքը վկայություն եղավ հավատքի ամրության ու հոգևոր նվիրյալ առաջնորդության։ Նրա հովվապետությունը նշանավորվեց Վրաստանում հոգևոր կյանքի վերազարթոնքով, եկեղեցական կյանքի զորացմամբ և աշխուժացմամբ։ Դժվարին ժամանակներում երջանկահիշատակ Պատրիարքը հայրական իմաստությամբ և սիրով առաջնորդեց իր հավատավոր հոտը՝ հաստատուն պահելով Վրաց Սուրբ Եկեղեցու առաքելությունը։ |
 |
Սուրբ Հարության տաճարը փետրվարի 28-ից փակ է ուխտավորների համար՝ ծեսեր չեն կատարվումԵրեք քրիստոնեական հիմնական համայնքները՝ Հայ առաքելական, Հունական ուղղափառ և Կաթոլիկ եկեղեցիները, չեն կարողանում Հարության տաճարում իրականացնել ժամերգություն, պատարագ, որևէ ծիսական արարողություն։ Խոսքը մի վայրի մասին է, որտեղ, ըստ քրիստոնեական ավանդության, տեղի են ունեցել Խաչելությունն ու Հարությունը։ Եվ հենց այստեղ է ամեն տարի, Հարության տոնին դուրս բերվում Սուրբ կրակը և բաշխվում հավատացյալներին: Պաշտոնական բացատրությունը՝ անվտանգությունն է։ |
 |
Մակարավանքում Տավուշի թեմի հոգևորականները միասնական ժամերգություն են անցկացրելՊահքի շրջանում, Սուրբ Հարության տոնին ընդառաջ, խոկումն ու աղոթքը հոգևոր կատարելության ձգտող մարդկանց ուղեկիցն են՝ քննելու հոգևոր կյանքն ու սեփական ներաշխարհը: Հոգևոր հայրերն այցելել են Աչաջուր գյուղի 34 ընտանիքների, միասնաբար աղոթք բարձրացրել հավատացյալների օջախներում և հոգևոր զրույցներ ունեցել մարդկանց հետ։ Բոլոր ընտանիքների երեխաներին հոգևոր հայրերը «Աշակերտի Աստվածաշունչ» են նվիրել: |
 |
Մաշտոցյան Մատենադարանում ցուցադրվում է Շուրիշկանի զորավոր ԱվետարանըՄարտի 10-ից մեկ ամսով Մատենադարանում ցուցադրվում է ճանաչված ձեռագրերից մեկը՝ Շուրիշկանի զորավոր Ավետարանը: Միակ և եզակի ցուցանմուշով ցուցադրությունը մեծ ուշադրություն է գրավել, բազմաթիվ այցելուներ կան: Շուրիշկանի հրաշագործ Ավետարանը գրվել է Վանի Քաջբերունի գավառի Ասպիսնակ գյուղում, Թուրվանդա անունով կնոջ պատվերով: Սրբության համբավ ձեռք բերած Ավետարանը մի քանի անուն է ունեցել՝ կոչվել է Պապ, Կարմիր Ավետարան, նաև Սուրբ Բարսեղ՝ Բարսեղ քահանայի կամ էլ Սուրբ Բարսեղ Կեսարացի վանքի պատվին, որտեղ պահվել է որոշ ժամանակ: |
 |
Դատավորի կերպարը՝ Սուրբ Գրքից մինչև Մխիթար ԳոշԴաշտավանի Սուրբ Աստվածածին եկեղեցու հոգևոր հովվի և ծխական համայնքի նախաձեռնությամբ կազմակերպվել է հանդիպում–բանախոսություն՝ նվիրված Դատավորի կիրակիին։ Իրավաբանական գիտությունների թեկնածու, փաստաբան Ռուբեն Մելիքյանը «Մխիթար վարդապետ Գոշը՝ արդար դատավորի որոնումներում» թեմայով բանախոսություն է կարդացել: Ըստ նրա՝ Դատաստանագիրքը դատական ուղեցույց է, որը դարերով օգնել է ձևավորել դատական համակարգված պրակտիկա, ընդգրկելով քաղաքացիական, քրեական, ընտանեկան և եկեղեցական իրավունք: |
 |
Իսրայելական հրթիռակոծությունը մոտեցել է Բեյրութի հայկական թաղամասին՝ Բուրջ ՀամուդինԼիբանանում հայկական բարեսիրական կառույցները գործում են, սակայն ըստ «Վանա ձայն» հայկական ռադիոկայանի տնօրեն Վիգեն Ավագյանի՝ եթե պատերազմը երկարաձգվի, կամ սաստկանա, երկրում հումանիտար աղետ կսկսվի: Պաշտոնական տվյալներով՝ Բեյրութում մինչև երկու միլիոն բնակչություն կա, շուրջ հիսուն հազար հայ է ապրում: Լիբանանը Ոչ միայն Մերձավոր Արևելքի, այլև ամբողջ հայկական սփյուռքի ամենակենսունակ ու կարևոր գաղթօջախն է: |