 |
Սյունիք. ԽոտՍահմանամերձ Խոտ գյուղը, ինչպես և հարևան Շինուհայրն ու Հալիձորը, հիմնվել է հին բնակավայրի տեղափոխման արդյունքում: Կենցաղային տարրական պայմանների բացակայության պատճառով՝ 1960-ականներին խորհրդային ղեկավարության որոշմամբ գյուղը տեղափոխվեց, և մարդիկ թողեցին իրենց պապենական տները: Տաթև տանող ճանապարհին մոտ լինելու շնորհիվ՝ Խոտում, սահմանամերձ մյուս բնակավայրերի համեմատ, նկատելի աշխուժություն կա: |
 |
Դատարանը Բագրատ արքեպիսկոպոսի կալանքը փոխել է տնային կալանքիԲագրատ Սրբազանի կալանքը տնայինի փոխելու լուրն անակնկալ է եղել դատական նիստի մասնակիցների և Սրբազանի համար, քանի որ դեկտեմբերին նույն դատավորը մերժել էր խափանման միջոցի փոփոխությունը: Հատկանշական է, որ պայքարի մյուս բոլոր անդամներն արդեն ամիսներ շարունակ գտնվում են տնային կալանքում կամ նրանց նկատմամբ կիրառված է վարչական հսկողություն։ Փաստաբանները պնդում են, որ այս գործը հարուցվել է քաղաքական նպատակով, որի գլխավոր խնդիրն էր կասեցնել «Տավուշը հանուն հայրենիքի» շարժման ընթացքը: Գործով հաջորդ դատական նիստը նշանակվեց հունիսի 11-ին, ժամը 15․30-ին: |
 |
Սյունիք. Բարձրավան
Գյուղը Բարձրավան է անվանվել 1940 թվականին, մինչ այդ հայտնի է եղել Երիցաթումբ կամ երիցատուն անունով և ընդգրկված եղել Ելիզավետպոլի Զանգեզուր գավառում։ Գորիս-Կապան ճանապարհից կտրված լինելու պատճառով բազմաթիվ խնդիրներ ունի, չնայած դրան՝ գյուղատնտեսության համար շահեկան դիրքում է։ Վարելահողեր, անասնապահական արոտավայրերի պակաս չունի ի տարբերություն Սյունիքի մյուս գյուղերի, որոնց այգիների կամ արոտավայրեի մի մասը անցել է հակառակորդին։ Բնակիչները մտահոգված են, որ գյուղում ապրողների թիվը կտրուկ նվազել է, երիտասարդ աշխատուժ չկա։
|
 |
Լուսինե Զաքարյանի տուն-թանգարանի պատին տեղադրվել է Խորեն Պալյանի հարթաքանդակըՀայաստանի ժողովրդական արտիստ Լուսինե Զաքարյանի ծննդյան օրը նշվել են տուն-թանգարանի հիմնադրման տարեդարձը և շենքի պատին տեղադրվել է Խորեն Պալյանի հիշատակը հավերժացնող հարթաքանդակ։ Թանգարանը չունի պետական հոգածություն, գործում է Ռաֆֆի Պալյանի և Լուսինե Զաքարյան-Խորեն Պալյան զույգի մերձավորների, ընկերների ֆինանսական աջակցությամբ: Թանգարանի հոգաբարձուների խորհուրդը երաժշտական գրեթե բոլոր կրթօջախներում սահմանել է Լուսինե Զաքարյանի անվան կրթաթոշակ, որով խրախուսում են շնորհալի երիտասարդ վոկալիստներին: |
 |
Գորիսում քահանաների հետ շփման արդյունքում երիտասարդները ցանկություն են հայտնել հոգևորական դառնալՀամայնքի մի քանի տղա դպիր են ձեռնադրվել, ուրար կրելու հնարավորություն ունեն և իրենց ծառայությամբ նեցուկ են քահանաներին։ Եկեղեցու երգչախումբը ևս կազմված է Գորիսի երաժշտական դպրոցի սաներից և հավատացյալներից, որոնք կամավորության սկզբունքով ծառայում են իրենց համայնքի սրբավայրերում։ Տեր Տիգրանն ավելի քան 4 տարի է, որ ծառայում է Սյունյաց թեմում և Տեր Ահարոնի հետ սպասավորում են Գորիսում։ |
 |
Մայր Տաճարում անդրանիկ պատարագն է մատուցել Տեր Անանիա եպիսկոպոս ԾատուրյանըՄայր Տաճարում Իջման Սուրբ Սեղանին եպիսկոպոսական անդրանիկ պատարագն է մատուցել Տեր Անանիա եպիսկոպոս Ծատուրյանը: Նա օրերս է Գարեգին Բ Ամենայն Հայոց Կաթողիկոսի ձեռամբ ձեռնադրվել և օծվել եպիսկոպոս: Եպիսկոպոսը երկար տարիներ եղել է Վեհափառ Հայրապետի գավազանակիրը, արարողակարգային բաժնի տնօրենը: 2025 թվականի մայիսից հայրապետական տնօրինությամբ նշանակվել է Մայր Աթոռ Սուրբ Էջմիածնի լուսարարապետ: |
 |
Մայր Տաճարում իր անդրանիկ պատարագն է մատուցել Իսահակ եպիսկոպոս ՊողոսյանըԳեղարքունյաց թեմի առաջնորդական տեղապահ Տեր Իսահակ եպիսկոպոս Պողոսյանն եպիսկոպոս ձեռնադրվելուց հետո առաջին պատարագն է մատուցել։ Հաստատված կարգի համաձայն նոր ձեռնադրված եպիսկոպոսները անդրանիկ պատարագը մատուցում են Մայր Տաճարում: Առաջիկա կիրակի նորաօծ եպիսկոպոսը պատարագ կմատուցի իր թեմում՝ Գավառի Սուրբ Աստվածածին առաջնորդանիստ եկեղեցում և Գեղարքունիքի թեմի հավատացյալներին կբաշխի իր օրհնությունը: |
 |
Ներսիսյանների գործով վկա ոստիկանը որևէ հակաօրինական գործողություն քարոզարշավին չի տեսելՆերսիսյանների գործով դատական նիստին հարցաքննվել են Վաղարշապատի բաժնի երկու ոստիկան։ Նրանցից մեկն իրականացրել է գործով հիմնական վկա Գառնիկ Ղազարյանի հարցաքննությունը, իսկ մյուսն ուղեկցել է «Հանրապետություն» կուսակցության քարոզարշավը։ Վկաներից մեկը դատարանում հայտնել է, որ հարցաքննության ընթացքում Գառնիկ Ղազարյանի հետ ներկա է եղել նաև Հարություն Մկրտչյանը: Հենց այդ պատճառով է Գառնիկ Ղազարյանի անձնական տվյալների փոխարեն լրացվել նրա հեռախոսահամարը: Երկրորդ վկան հայտնել է, որ Ոսկեհատ համայնքում քարոզարշավը խոչընդոտող որևէ հանգամանք չի նկատել՝ նրան ենթադրյալ միջադեպի մասին հարևան գյուղում հայտնել է «Հանրապետություն» կուսակցության թեկնածուն: Ոստիկանը հայտնել է, որ հաղորդումն ինքն է ներկայացրել ՆԳՆ Վաղարշապատի բաժին, սակայն անձամբ որևէ հակաօրինական գործողություն քարոզարշավի ժամանակ չի տեսել։ |
 |
Ամենայն Հայոց Կաթողիկոսը քահանաներին պատգամել է արթուն ու հաստատուն մնալ հավատի մեջՄայր Աթոռում հավաքն ամփոփվել է քահանայից դասի հայտարարությամբ, որով հոգևորականներն իրենց հավատարմությունն են հայտնել մյուռոնաբաշխ Սուրբ Էջմիածնին և Ամենայն Հայոց Կաթողիկոսին՝ փորձության այս օրերին հայրապետական իմաստությամբ, հոգևոր արիությամբ և խաղաղ հաստատակամությամբ Հայաստանյայց Առաքելական Սուրբ Եկեղեցին առաջնորդելու համար։ Հայոց Հայրապետը հորդորել է մերժել ազգավնաս գաղափարներն ու գործողությունները: Նորին Սրբությունը բարձր է գնահատել այս դժվարին օրերին հոգևոր դասի դրսևորած քաջարի ոգին, հաստատակամությունն ու նախանձախնդրությունը՝ մեր Սուրբ Եկեղեցում կանոնականության ու միության պահպանման նկատմամբ։ |
 |
Ամենայն Հայոց Կաթողիկոսի ձեռամբ տեղի է ունեցել եպիսկոպոսական ձեռնադրություն և օծումԳարեգին Երկրորդ Ամենայն Հայոց Կաթողիկոսի ձեռամբ եպիսկոպոսության աստիճան են ստացել Գեղարքունյաց թեմի առաջնորդական տեղապահ Իսահակ վարդապետ Պողոսյանը, Մասյացոտնի թեմի առաջնորդական տեղապահ Ռուբեն վարդապետ Զարգարյանը, Մայր Աթոռի լուսարարապետ Անանիա վարդապետ Ծատուրյանը և Մայր Աթոռի Քարոզչական կենտրոնի տնօրեն Զաքարիա ծայրագույն վարդապետ Բաղումյանը: Հայրապետական պատարագի ընթացքում Վեհափառ հայրապետն աղոթել է ձեռնադրվողների համար` Սուրբ Հոգուց խնդրելով շնորհներ, որպեսզի ճշմարիտ հովիվներ լինեն: Առաջիկա օրերին նորաօծ եպիսկոպոսները Մայր Տաճարում ուխտի պատարագներ կմատուցեն: |
 |
Դատարանը երկարաձգել է խորհրդարանական ընտրություններին մասնակցող 2 թեկնածուների տնային կալանքըՍրբազան պայքարի գործով նիստին դատավոր Կարեն Ֆարխոյանը Արթուր Սարգսյանի տնային կալանքը երկարաձգել է ևս երկու ամսով: Անկախ պաշտպանական կողմի առարկություններից ու միջնորդություններից՝ դատավորը երկու ամսով երկարաձգել է նաև պատգամավորի թեկնածու Իգոր Սարգսյանի տնային կալանքը։ Այսպիսով՝ դատարանը սահմանափակել է առաջիկա խորհրդարանական ընտրություններին մասնակցող երկու թեկնածուների մասնակցությունը քարոզարշավին: |
 |
Բագրատ Սրբազանն իր 55-ամյակը նշեց անազատության մեջԲագրատ Սրբազանի աջակիցները քայլերթ են անցկացրել Երևանում, ապա հավաքվել ԱԱԾ շենքի մոտ։ Սրբազանն արդեն 330 օր է քաղբանտարկյալ է, որին կալանավորել են «Սրբազան պայքարը» կասեցնելու համար: Առաջնորդելով «Տավուշը հանուն հայրենիքի» շարժումը՝ նա փորձեց իր ամբողջ հեղինակությունն ու հոգևոր ուժը ծառայեցնել ազգային համախմբմանը: Սրբազանն ամեն օր ապացուցում է, որ ճշմարիտ հովիվը երբեք չի լքում իր հոտը: |